Эртага Эроннинг Исфаҳон шаҳрида футзал бўйича клублар ўртасидаги Осиё чемпионати старт олади. Мазкур мусобақада “Локомотив” футзал клуби ҳам иштирок этади. Бугун мусобақадан олдин анъанавий матбуот анжумани ўтказилди. Бунда “Локомотив” футзал клуби бош мураббийи Аҳад Юсупов ҳам қатнашиб, қуйидаги фикрларни билдирди:
– Биз бундай нуфузли турнирда иккинчи марта қатнашяпмиз. Бу йил жамоамиз таркиби бирмунча ёшарган, шунга қарамай, бор куч билан ўйнаймиз. Барча иштирокчиларга омад тилайман, ўйлайманки, бизни қизиқарли ўйинлар кутиб турибди.
– Дастлабки учрашувни амалдаги чемпион Япониянинг “Нагойя Ошинз” клубига қарши ўтказамиз. Улар кучли жамоа, шунга қарамай, биз ҳам бор имкониятни ишга соламиз. Шогирдларим борларини бериб тўп тепишади деган умиддаман.
