Бугун, 31 июль куни футзал бўйича клублар ўртасида навбатдаги Осиё чемпионати бошланади. Бу галги қитъа чемпионатига Эроннинг Исфаҳон шаҳри мезбонлик қилади.
Аввалги мусобақалардан фарқли равишда, мазкур мусобақада 12та жамоа иштирок этади. Хабарингиз бор, аввалги 5та турнирнинг финал босқичида 8та клуб иштирок этганди. Эрондаги мусобақада Ўзбекистон шарафини Тошкентнинг "Локомотив" жамоаси ҳимоя қилади. "Темирйўлчилар" ўтган мавсумда Ўзбекистон чемпиони унвонини қўлга киритишган (якунланган мавсумда чемпионликни қўлга киритган "Олмалиқ" келаси мавсумда Осиё чемпионатида иштирок этади). Қуръага кўра, 12та жамоа 4та гуруҳга бўлинишган. Гуруҳда 1 ва 2-ўринни эгаллаган клублар чорак финал йўлланмасига эга бўлади.
"Локомотив" мусобақанинг амалдаги чемпиони — "Нагоя Оушенс" (Япония) ва Қирғизистоннинг "Эмгек" жамоалари билан "В" гуруҳидан ўрин олган. Жамоамиз дастлабки ўйинни 31 июль куни японларга қарши, 1 август куни эса қўшниларимизга қарши ўтказади.
Аҳаджон Юсупов шогирдлари ўтган йилги мусобақада ҳам иштирок этиб, гуруҳда 3-ўринни эгаллашганди. Улар гуруҳ босқичида "Нагоя Оушенс" ва Хитойнинг "Шенжен Нанлинг Тиеланг" ютқазиб, Австралиянинг "Вик Вайперс" клубини мағлуб этишганди.
МУСОБАҚА ТАҚВИМИ
"А" ГУРУҲИ: "Тасисат Дарёий" (Эрон), "Қодисия" (Кувайт), "Ал-Холиж" (БАА)
"В" ГУРУҲИ: "Нагоя Оушенс" (Япония), "Эмгек" (Қирғизистон), "Локомотив" (Ўзбекистон)
"С" ГУРУҲИ: "Чонбури Блювейв" (Таиланд), "Ар-Райян" (Қатар), "Нафт ал-Васат" (Ироқ)
"D" ГУРУҲИ: "Шенжен Нанлинг Тиеланг" (Хитой), "Банк оф Байрут" (Ливан), "Тай Сон Нам" (Вьетнам)
Мусобақа тақвими
31 июль, жума
11:30. "Шенжен Нанлинг Тиеланг" - "Тай Сон Нам"
14:00. "Чонбури Блювейв" - "Нафт ал-Васат"
16:30. "Нагоя Оушенс" - "Локомотив"
19:00. "Тасисат Дарёий" - "Ал-Холиж"
1 август, шанба
11:30. "Банк оф Байрут" - "Тай Сон Нам"
14:00. "Ар-Райян" - "Нафт ал-Васат"
16:30. "Эмгек" - "Локомотив"
19:00. "Қодисия" - "Ал-Холиж"
2 август, якшанба
11:30. "Шенжен Нанлинг Тиеланг" - "Банк оф Байрут"
14:00. "Чонбури Блювейв" - "Ар-Райян"
16:30. "Нагоя Оушенс" - "Эмгек"
19:00. "Тасисат Дарёий" "Қодисия"
Чорак финал, 4 август, сешанба
11:30. ЧФ1: "D" гуруҳи ғолиби - "C" гуруҳида 2-ўрин
14:00. ЧФ2: "C" гуруҳи ғолиби - "D" гуруҳида 2-ўрин
16:30. ЧФ3: "B" гуруҳи ғолиби - "А" гуруҳида 2-ўрин
19:00. ЧФ4: "A" гуруҳи ғолиби - "B" гуруҳида 2-ўрин
Ярим финал, 5 август, чоршанба
16:00. ЧФ1 ғолиби - ЧФ3 ғолиби
19:00. ЧФ2 ғолиби - ЧФ4 ғолиби
7 август, жума
16:00. 3-ўрин учун баҳс
19:00. Финал
Изоҳ: Соатлар Тошкент вақти билан кўрсатилган.
