ФИФА президенти Йозеф Блаттер сайлов кампаниясига аралашмасдан, ўз вазифасини тарк этса яхши бўлар эди. ФИФА президентлигига номзод Чон Мон Чжуннинг фикри шундай.
Жума куни ОАВ Мон Чжуннинг 2022 мезбонлигини аниқлаш вақтида ФИФА ижроқўмига турли лойиҳалар учун 777 миллион евро бериб, эвазига Жанубий Кореяда ЖЧ ўтказишни таклиф қилгани ҳақида хабарлар тарқалганди. Кореяликнинг гумонича, бу миш-мишларни бошида Блаттер турибди.
"ОАВдаги хабарлар, Блаттернинг ФИФА президентлиги учун сайлов ишларига аралашаётанини билдириб турибди. ФИФА Мон Чжуннинг номзодига қаршилик қилмоқда. Блаттер эса сайлов ишларига аралашмасдан, ваззифасини тарк этгани маъқул", - дейилади Мон Чжуннинг баёнотида.
