Бугун ўзбек футболининг тирик афсонаси Миржалол Қўшоқович 45 ёшни қарши олмоқда. Бу инсонни нафақат футболга ихлосманд инсонлар балки бутун ўзбек ахли фахр билан тилга олади.

Футболимизда ўз ўрни, ўз салохиятига эга бўлган бундай инсон номини ўз фарзандига хавас билан қўйган ота-оналар сон саноқсиздир. Жумладан "Машъал" клуби футбол мактабида 3 нафар Миржалол Қосимов номли футболчилар тарбияланмоқда. Буларнинг қай биридан сўраманг барчаси биринчи навбатда футболимиз афсонасини эсга олади. Умуман олганда футбол ёшларининг энг севимли рақами "4" учун,  хали хамон футболчилар ўртасида жиддий тортишувларнинг бўлиши,  бу қандай шараф эканлигини англатиб туради.

2005 ЙИЛ
Ортда қолган мавсумнинг сўнгги ойи нафақат қашқадарёликлар, балки ўзбекистонлик мухлислар учун ҳам шов-шувли воқеаларни туҳфа этди. Ўсмирлар ўртасида жаҳон чемпиони, ёшлар ўртасида Европа чемпиони, Осиё ўйинлари ғолиби, Ўзбекистоннинг бир неча марта энг яхши футболчиси, бир сўз билан айтганда, ўзбек футболи юлдузи Миржалол Қосимовнинг «Машъал»га ўтиши борасидаги гап-сўзларга бошида биров ишонмади. Янги йилга яқин эса шов-шув ҳақиқатга айланди – Миржалол «Машъал» да ўйновчи-мураббий сифатида фаолият кўрсата бошлади.
Бутун мавсумни учинчи ўринда ўтказган муборакликлар яқин таъқибчиси «Трактор»ни ўн очкога ортда қолдирган ҳолда ўз тарихларида илк бор бронза медалига эгалик қилишди ва Осиё Чемпионлар лигасида иштирок этиш ҳуқуқини қўлга киритишди.

"Машъал" ПФК Миржалол Қўшоқовични бугунги таваллуд айёми билан муборакбод этади.

Ўзбекистонда Хизмат кўрсатган мураббий, Шуҳрат медали соҳиби, Ўзбекистон ифтихори, Фидокорона хизматлари учун орденлари сохиби бўлган инсонга узоқ умр, сихат-саломатлик тилаб қоламиз.