Бразилия терма жамоаси собиқ ҳужумчиси Ромарио терма жамоа бош мураббийи Дунга энг яхши футболчиларни чақирмаётганини айтиб ўтди.

"Дунга менинг дўстим, аммо уни шунга мажбурламоқдалар. У энг яхши футболчиларни эмас, балки кимларнингдир манфаатидан келиб чиқиб турли футболчиларни чақирмоқда. Терма жамоанинг координатори Жилмар Риналди ҳисобланади. У илгари агент бўлиб ишлаган.

Айнан шу одам футбол агентлари манфаатидан келиб чиқиб, турли ишларни қилмоқда. Улар ўз навбатида манфаатидан келиб чиқиб, клублардан футболчи чақирмоқда", - дейди Ромарио.