Бразилиялик арбитр Габриэл Мурта мамлакат қуйи дивизионининг “Амантес де Бола” ҳамда “Брумадинью” жамоалари ўртасидаги ўйин вақтида қилган иши учун жазоланди, деб хабар қилмоқда Globo маълумотига таяниб “СЭ”.
Вазиятлардан бирида “Амантес де Бола” футболчилари ҳакамга ҳужум уюштиришган ва ундга босим ўтказиб рақиб футболчисига қизил карточка кўрсатишини сўрашган. Асосий касби полициячи бўлган Мурта эса ўзини ҳимоя қилиш мақсадида чўнтагидан тўппончани чиқаришга мажбур бўлган.
Энди у психологик экспертизадан ўтиши лозим, текширувлардан кейин Мурта ҳакамликдан четлатилиши ҳам мумкин.
