ФИФА президенти лавозимидан вақтинчалик четлатилган Йозеф Блаттер УЕФА президенти Мишель Платинига берилган 2 млн доллар тўлиқ қонуний бўлганини таъкидламоқда. Бу ҳақда Блаттер RRO TV телеканалига берган интервьюсида айтиб ўтди.
Блаттер тўлов у билан Платини ўртасидаги “жентльменлик келишуви” бўйича амалга оширилганини айтиб ўтди.
Маълумот учун, 8 октябрда ФИФАнинг ахлоқ бўйича қўмитаси Блаттерни, ФИФА бош котиби Жером Валькени ва УЕФА раҳбари Мишель Платинини коррупцион можаро туфайли 90 кунга ўз лавозимларидан четлатган эди. Блаттер Платинига ноқонуний тарзда 2 млн доллар берганликда гумон қилинмоқда.
