ФИФА призеденти Йозеф Блаттер ЖЧ-2018 ва ЖЧ-2022 мезбонларини аниқлаш жараёни қандай ўтгани борасида ўз фикрларини билдириб ўтди.

— 2010 йилда бирданига иккита ЖЧ мезбонини аниқлаш жараёни бўлганини хато деб ҳисоблайсизми?
— Ўшанда чемпионатларидан бири Россияда ўтишига ички ишонч бор эди. Бу орқали Шарқий Европа мамлакати илк марта ЖЧни ўзида қабул қиларди. 2022 йилги ЖЧ мезбони сифатида АҚШни тахмин қилаётгандик. Шундай қилиб, сиёсий жиҳатдан дунёнинг энг кучли икки мамлакати жаҳон чемпионати мезбонига айланишарди. Барчаси яхши кетаётганди. Аммо Франция президенти Николя Саркози ўша пайтдаги Қатар валиаҳди, ҳозирги Амири билан учрашганидан кейин вазият ўзгариб кетди.

Саркози Платинига 2022 йилги чемпионат Қатарда ўтса ёмон бўлмаслигини айтди. Ўшандан бошлаб Қатар варианти тилга олина бошланди. Европанинг 4та овози АҚШдан Қатарга ўтди. Акс ҳолда АҚШ номзоди 12:10 ҳисобида ғалаба қозонган бўларди. Биз икки ажойиб чемпионатга тайёргарлик кўришни режалаштиргандик: Россия-2018 ва АҚШ-2022. Бунинг ўрнига ҳозир ФИФАнинг инқирози ҳақида гапириляпти.

Россия жаҳон чемпионатини қўлдан чиқармайди. ФИФА мусобақани бу мамлакатга бириктириб бўлди. Ҳеч қандай ўзгариш бўлмайди.

Инглизлар ўзларини омадсизлардек тутишяпти. Улар мазкур чиройли ўйинни, ҳалол ўйин қоидларини ўйлаб топишган. Аммо сайловда Англия номзоди биринчи босқичда битта овоз олиб чиқиб кетганди. Чемпионат Англияда ўтишини ҳеч ким хоҳламаганди. Бунинг учун улар мени айбдор қилишга уринишяпти.