«Манчестер Юнайтед» ҳужумчиси Уэйн Руни рестлинг-шоу иштирокчисига айланди, дея хабар бермоқда «Sports.ru». Машҳур футболчи жанг чоғида профессионал рестлер Стюарт Беннетга тарсаки туширди.
«Ҳодиса» Беннетт Рунига қарата «форварднинг кичик ўғли ўз отасининг мағлубиятини кўришини истамаслиги»ни айтганидан сўнг содир бўлди. Шундан кейин курашчи Рунига яқинлашиб, қўлини бигиз қилиб уни кўрсатди.
Бироқ форвард ўзини йўқотиб қўймади ва ҳаммага «ўзини ҳимоя қила олиши»ни кўрсатиб қўйди. Руни «дилозор»га кучли тарсаки туширди, натижада Беннетт нокдаунга учради.
