Ўзбекистон КХДР учрашувидан сўнг терма жамоамиз ярим ҳимоячиси Сардор Рашидов ўйин ҳақида ўз фикрларини билдириб ўтди.
"Ўйин жуда қийин бўлди. Шимолий Корея терма жамоаси жуда кучли рақиб. Биринчи учрашувда мағлуб бўлган эдик. Ўша ўйиннинг аламини олиш учун бор кучимиз билан ҳаракат қилдик. Ва мухлисларимизга раҳмат. Бизни ажойиб қўллаб-қувватлаб туришди. Футболчилар бир-бири билан ҳамжиҳатликда ҳаракат қилишди. Мураббийнинг кўрсатмаларини тўғри бажарганимиз учун ҳам ғалаба қозондик. Тезкор гол ўзимизни ҳам ҳайрон қолдирди. Шунга қарамай, ўйинни ўз томонимизга ўнглай олдик. Мухлисларга яна бир марта жуда катта раҳмат айтаман", - деди Сардор Рашидов.