Англиянинг «Таррок» ва «Ромфорд» футбол клублари ўртасидаги учрашувнинг боришига шамол таъсир қилди. Бу ҳақда Meduza хабар бермоқда.
«Таррок» ҳимоячиси Камарл Данкан тўпни зарб билан юқорига тепиб юборганидан кейин, тўп ўз йўналишини кескин ўзгартириб, майдоннинг ярмини кесиб ўтди ва «Таррок» дарвозабонининг устидан ошиб, дарвозага кириб кетди.
Учрашув 1:1 ҳисобидаги дуранг натижа билан якунига етди.
Катта эҳтимол билан шамол-футболчи Буюк Британияга ёпирилган кучли бўроннинг бир қисми эди. Бўронга Барни деб ном берилган бўлиб, бунда аксарият британияликларнинг хаёлига биринчи бўлиб «Барни ва унинг дўстлари» мультсериалидаги бахмал тираннозавр келади. Шу сабабли ҳам бўронни жиддий қабул қилиш қийин бўлди.
