"Манчестер Юнайтед" жамоаси "Реал мадрид" жамоасининг Уэлслик ярим ҳимоячиси Гарет Бейлни қишки трансферлар вақтида сотиб олмоқчи.
Daily Mail нашри тарқатган хабарга кўра, 26 ёшли футболчи учун манчестерликлар 75 миллион фунт тўлашга тайёр.
Манбада ёзилишича, "МЮ" бош мураббийи ёрдамчиси Раян Гиггз ўз ватандошини "Олд Траффорд"га кўчиб ўтишга кўндиришига жамоа раҳбарияти умид қилмоқда.
Шунингдек, Бейлнинг ўзи Рафаэл Бенитеснинг истеъфосидан хафа бўлган ва фаолиятини АПЛда давом эттиришга қарши эмас.
Эслатиб ўтамиз, футболчи 2013 йилда "Тоттенхем"дан рекорд даражадаги маблағ (85 миллион фунт) эвазига "Қироллик" жамоасига кўчиб ўтганди.