Халқаро футбол уюшмаси ФИФА Испаниянинг «Реал» ва «Атлетико» жамоаларига янги футболчиларни рўйхатдан ўтказишни тақиқлаб қўйди, дея хабар бермоқда AS нашри.
Манбанинг берган хабарига кўра, Мадрид жамоалар мазкур жазо бўйича яқин бир кун мобайнида расмий билдиришнома олишади.
Қайд этиб ўтиш жоиз, ФИФА ўтган йил давомида «Реал» ва «Атлетико»нинг трансферларни расмийлаштириш фаолияти билан танишиб чиқди. Унга кўра, ташкилот жамоаларнинг 18 ёшгача бўлган футболчиларни рўйхатдан ўтказишда бир қатор қонун бузилишларга йўл қўйганини аниқлаган.
«Реал» ва «Атлетико»га жорий қишки ва ёзги трансферлар пайтида ўйинчиларни рўйхатга олиш тақиқи қўйилади. Бироқ клубларда мазкур қарор юзасидан шикоят хати ёзиш имконияти мавжуд.
Ўтган йилда худди шундай жазога Каталониянинг «Барселона» клуби тортилганди.
