Миланнинг “Интер” футбол клуби ва Бразилия терма жамоасининг собиқ ҳужумчиси Адриано АҚШнинг 4-лигасида иштирок этувчи “Майами Юнайтед” клубининг футболчиси бўлди, деб хабар берилмоқда жамоанинг расмий сайтида.
ОАВ маълумотларига кўра, Адриано бундан аввалроқ жамоанинг 40 фоиз акциясини сотиб олганди ва клубнинг даромадидан бир қисмини олади.
Бразилия терма жамоаси сафида 48 та ўйинда 27 та гол урган ҳужумчи 2014 йилда “Атлетико Паранаэнсе” жамоаси сафида 4 та ўйинда майдонга тушган. Футболчи “Атлетико”га ўтишдан аввал 2 йилга яқин ҳеч қаерда ўйнамаган.
Спиртли ичимликлар истеъмол қилиш билан муаммоларга эга бўлган Адриано ўз вақтида Италиянинг “Интер”, “Парма, “Рома” сафида тўп сурган. У “Интер” сафида Италиянинг 4 карра чемпиони, икки карра Италия кубоги соҳиби бўлган, Бразилия термаси сафида Америка кубогини қўлга киритган.
