"Пахтакор" ОЧЛ-2016даги иштирокини 24 февраль куни Тошкентдаги ўйин билан бошлайди.
1-турда жамоамиз "Пахтакор" стадионида Саудия Арабистонининг "Ал Ҳилол" жамоасига қарши майдонга тушади. "Пахтакор"нинг Чемпионлар лигаси 2016 йилги мавсумидаги уй ўйинлари учун аккредитациядан ўтиш жараёни бошланганини маълум қиламиз.
Аккредитациядан ўтган ОАВ вакиллари жамоамиз иштирокидаги уй ўйинларини медиа трибунадан томоша қилиш, матбуот анжуманларида иштирок этиш, микст зонада футболчилардан интервью олиш, медиа марказда ишлаш ва журналистларга яратилган қулайликлардан фойдаланиш ҳуқуқига эга бўлишади. Аккредитациядан ўтиш учун 3Х4 ҳажмида бир дона расм, паспорт нусхаси ва иш жойидан хатни электрон кўринишда pakhtakortashkent@gmail.com манзилига жўнатилиши лозим.
