“Бунёдкор” – “Ал-Шабаб” (2:0) учрашувидан кейинги матбуот анжуманининг биринчи қисмида дубайликлар устози иштирок этди.

- Аввало, “Бунёдкор”ни ғалаба билан табриклайман. Жамоа ўзининг юқори савиясини намойиш этди. Рақибнинг тезкор голи бизни синдирди ва бу жиҳат ўйиндаги асосий вазиятлардан бири бўлди. Лекин “Ал-Шабаб” ёмон ўйнади, деёлмайман. Агарда 0:2 ҳисоби пайтида битта гол уриб олганимизда, вазиятни тамомила ўзгартириб юборишимиз ҳам мумкин эди. Иккинчи бўлимда тўпни кўпроқ назорат қилдик. Ростини айтсам, жамоага 19та учрашувда 16та гол урган Жо етишмади. Танаффусдан кейин ҳужумдаги самарадорликни ошириш мақсадида Ҳайдаровни олдинроққа ўтказдим. Азизбекка ҳеч қандай эътирозим йўқ. Мен учун у ажойиб футболчи. Ўйлашимча, “Бунёдкор” мусобақада узоқроққа бора олади. Менга “Бунёдкор”нинг ўрта чизиғи кўпроқ ёқди. Айниқса, 17-рақамли (Достонбек Ҳамдамов) футболчи. “Бунёдкор”нинг бугунги ғалабасида мухлисларнинг ҳам ўзига хос ҳиссаси бор. Ғалаба билан ўзбекистонлик ишқибозларни ҳам табриклайман, - дейди “Ал-Шабаб” бош мураббийи Кайо Жуниор.