ОЧЛ 1-тур доирасидаги “Ал Аҳли” – “Насаф” (2:1) учрашувидан сўнг ташкил этилган матбуот анжуманида “аждарлар” устози Рўзиқул Бердиев иштирок этди ва ўйин ҳақидаги фикрларини билдирди.
– “Ал Аҳли” жамоасини ғалаба билан табриклайман. Ўйин тенг курашлар остида кечди. Бизнинг дуранг қайд этишга имкониятимиз бор эди. Бироқ яратилган вазиятлардан фойдалана олмадик. “Ал-Аҳли” жамоасининг стандарт вазиятларда кучли ўйнашини билардик ва айнан шундан хавфсирагандик. Амалда ҳам улар стандарт вазиятларидан унумли фойдаланишди.
– Сизларда чемпионат ҳали бошланмаган. Лекин бугун жамоа яхши ҳаракат қилди. Кейинги ўйинларда жамоангизга омад тилаймиз. Кейинги режалар ҳақида айтиб ўтсангиз…
– Тўғри, бизда ҳали мавсум старт олгани йўқ. Чемпионат ўйинлари энди бошланади. Бизлар бир нечта назорат ўйинларида майдонга тушдик. Лекин бугунги ўйин жамоамиз ўйнашга қодир эканлигини кўрсатди. Кейинги учрашувларда ўз ҳисобимизга очколар ёзиб олишни истаймиз.
“Насаф” ПФК матбуот хизмати