“Бунёдкор” – “Ан-Насср” учрашувидан кейинги матбуот анжуманининг иккинчи қисмида “қалдирғочлар” устози иштирок этди.

- Аввалдан ўйлаб қўйган режаларимиз амалга ошгани йўқ. Учрашув арафасида кутилмаган йўқотишга йўлиқдик. Тушлик пайтида Зуагининг ўйнай олмаслиги маълум бўлди. Режаларимиз у билан боғлиқ эди. Алемпиевич ўз савиясида ҳаракат қила олмади. Булят эса анча вақтдан бери илк расмий ўйинини ўтказди. Шукуров эса ҳали ёш футболчи. Ўйин борасида имкониятни бой бердик. Ўзимиз яратган вазиятларни голга айлантира олмадик. Ростини айтсам, бугун жуда қийин аҳволда қолдик. Эрталаб шифокоримиз жароҳати бор футболчилар рўйхатини берганида шокка тушдик. Баъзи йигитлар шифокор ёрдамида ҳаракат қилишди. Мирабдуллаев ҳам кераксиз вазиятда сафидан чиқди, - дейди Сергей Лушчан.