Ар-Риёддаги баҳсдан сўнг мураббийлар матбуот анжуманида ўйин ҳақида фикрларини билдириб ўтишди.
Нўъмон ҲАСАНОВ ("Пахтакор" бош мураббийи): - Учрашувда икки хил ўйин кўрсатдик. Биринчи бўлимда жуда яхши ўйнадик, аммо иккинчи бўлимда ҳамма нарса ўзгариб кетди ва тўрт тўп ўтказиб юбордик. Иккинчи бўлимда деярли барча ҳолатларда мағлуб бўлдик. Биринчи бўлимда яхши ҳимоялангандик. Ушбу натижани унутиб, кейинги беллашувга тайёргарлик кўришни бошлашимиз керак.
Георгис ДОНИС ("Ал Ҳилол" бош мураббийи): - Ички чемпионатдаги мағлубиятдан кейин ғалаба қозонганимиз билан футболчиларни табриклайман. Бир қатор ўйинчилар йўқлиги сабабли бугунги муваффақиятни жуда муҳим бўлди деб айта оламан. Тиғиз тақвим туфайли футболчилар жароҳат олишмоқда. Танаффус пайтида шогирдларимга ўйинни қанотларга кўчириш кераклигини айтдим. Бу эса бизга 4 гол уришга ёрдам берди.
