Эртага Ўзбекистон чемпионати 2- тур доирасида Фарғонанинг "Нефтчи" клубига қарши меҳмонда бўлиб ўтадиган учрашув олдидан ярим ҳимоячимиз Дилшод Жабборов ўз фикрини билдириб ўтди. "Мавсумнинг илк учрашувида "Локомотив"га имкониятни бой берганимиздан сўнг "Водий дербиси"га қизғин тарзда тайёргарлик кўрдик. "Нефтчи"га қарши кечадиган беллашувда мақсадимиз - Фарғонада ижобий натижа қайд этиш. Олдимизга қўйилган мақсадга эришишга ҳаракат қиламиз. Худо хоҳласа майдонда қўлимиздан келганча тўп суриб мухлисларимизни хурсанд қиламиз деган умиддаман. Ҳар икки жамоанинг имкониятини тенг бахолайман. Боиси "дерби" мақомидаги ўйинларда яққол фаворит бўлмайди", - деди Жабборов.
