Мадриднинг «Реал» клуби ҳужумчиси Криштиану Роналду Европа чемпионлар лигасининг 1/2 финал «Манчестер Сити»га қарши жавоб учрашувини ўтказиб юбориши мумкин.
Cadena Cope радиосининг берган хабарига кўра, Роналду оёғининг сон қисми мушакларидан олган жароҳатини даволашда давом этмоқда. Португалиялик футболчининг тузалиш жараёнини тезлаштириш учун у яқин кунларда ҳужайра тўқималарида даволаш амалиётини ўтказади.
Роналдунинг Испания чемпионати доирасидаги якшанба куни бўлиб ўтадиган «Реал Сосьедад»га қарши учрашувни ўтказиб юбориши аниқ бўлиб турибди. 4 апрель куни Мадридда ўтадиган «Сити»га қарши учрашувгача унинг қанчалик тайёр бўлиши фақат ўйин куни маълум бўлади.