Эртага, 4 май чоршанба куни аёллар ўртасида 22-Ўзбекистон чемпионатининг 2-туридан ўрин олган учрашув бўлиб ўтади.
Ориф Маматказин бошқарувидаги “Андижанка” аёллар жамоаси ўз майдонида Бекободнинг “Металлург-W” жамоасини қабул қилади. Мазкур баҳс “Соғлом авлод” стадионида соат 16:30да бошланади. Айтиш керакки, бекободликлар яқинда Ўзбекистон суперкубогини қўлга киритди. Шу боис эртанги ўйин қизиқарли кечиши турган гап. Бундай учрашувда ишқибозларнинг қўллаб-қувватлаши жуда муҳим. Шу боис “Андижанка” мухлисларни стадионга чорлайди. Ўйинга кириш бепул.
