“Лаҳвия” – “Бунёдкор” учрашувидан кейинги матбуот анжуманининг биринчи қисмида “қалдирғочлар” вакиллари иштирок этишди.

“Бунёдкор” устози Сергей Лушчанга учрашувининг энг яхши футболчиси деб топилган Элдор Шомуродов хамроҳлик қилди.
- Бугунги учрашувдан қониқдим, йигитлар ўйинда борларини бериб ўйнашди. Бундан жиҳатдан хурсандман. Баҳс тенг курашлар остида ўтган бўлса-да, бизда голли вазиятлар кўп бўлди. Аммо улардан фойдалана олмадик. Бизнинг ёшларимиз керак бўлса бир ўйинда 4-5талаб гол уришаяпти, баъзида эса умуман ура олишмаяпти. Очиғини айтганда Доҳа об-ҳавоси ҳар иккала жамоаг аҳам юқори суръатда футбол ўйнашга тўсқинлик қилди. Лекин шундай шароитда ҳам яхши ва сифатли футбол намойиш этган йигитларимизга раҳмат айтаман. “Лаҳвия”ни табриклайман. Бу жамоага кейинги босқичда омад тилайман. Осиё Чемпионлар лигаси турнини йирик мусобақа. Биздаги ёшлар ушбу турнирдан ташқари, турли хил ёш тоифаларидаги халқаро учрашувларда ҳам иштирок этишмоқда. Бу йигитларни келажакда Ўзбекистон миллий терма жамоасига муносиб номзод бўлиб етишишлари учун тарбиялаяпмиз, - дейди Сергей Иванович.