Профессионал бокснинг Бутунжаҳон бокс уюшмаси (WBA) йўналиши бўйича ўти оғир вазндаги жаҳон чемпиони, ҳамюртимиз Руслан Чагаев шу йилнинг 5 мартида Россиянинг Грозний шаҳрида ўтказилган жангда чемпионлик камарини австралиялик Лукас Браунга бой берган эди.
Аслида ўша жангда Руслан рақибидан зарбалар сериясини ўтказиб юборгач, рефери жангни муддатидан олдин тўхтатди. Жангдан кейин Русланнинг промоутери жанг нот ўғри тўхтатилганини, ўзбек боксчиси ҳали жанг қилишга қодир бўлганини айтиб, жанг натижасига раддия беришини эълон қилганди.
Кейин допинг-тест таҳлиллари 37 ёшли австралиялик боксчи қонида кленбутерол моддаси бўлганлигини аниқлади. Бу модда допинг ҳисоблангани боис “янги чемпион” қайта текширувдан ўтказилди ва “В” тести ҳам Браун тақиқланган модда қабул қилганини исботлади.
Бутунжаҳон бокс уюшмаси Лукас Браундан Русланга тегишли камарни олиб қўйди ва боксчиси олти очга мусобақалардан четлатди. Аслида чемпионлик камари дарҳол Русланга қайтарилиши лозим. Бироқ, Руслан Чаагаев фаолиятини тўхтатадиган деган хабарлар урчигани учун халқаро ташкилот бунга шошмаяпти.
Агар Руслан Чагаев фаолиятини давом эттирадиган бўлса, унга чемпонлик камарига расмий даъвогар ҳисобланган Фрес Окендо билан жанг ўтказишни келишиб олиш учун 120 кун муҳлат берилади.
Руслан 2014 йили чемпионлик жангида айнан Фрес Окендони мағлубиятга учратиб, чемпионлик унвонини қўлга киритган эди.
