Бугун, Тошкентнинг "Локомотив" клуби Осиё Чемпионлар Лигаси нимчорак финал жавоб учрашувида Саудия Арабистонининг "Ал Ҳилол" клубига қарши майдонга тушади.
Жамоаларнинг дастлабки учрашувида Ар Риёдда 0:0 ҳисоби қайд этилган эди. Таъкидлаш жоиз, "Локомотив" учун мазкур ўйин ОЧЛ баҳсларидаги илк плей-офф учрашуви ҳисобланади. "Локомотив" эса, ўзаро ўйинларда "Ал Ҳилол" клубини расмий ўйинларда мағлуб эта олмаган. Ушбу жамоалар ўтган мавсум Осиё Чемпионлар Лигасида бир гуруҳдан жой олган ва гуруҳдаги ҳар икки учрашувда ҳам "Ал Ҳилол" ғалаба қозонган эди – Ар Риёдда 3:1, Тошкентда эса 2:1 ҳисобида.
Жамоаларнинг сўнгги учрашувида эса, Ар Риёдда 0:0 ҳисоби қайд этилган. Осиё Чемпионлар Лигаси чорак финалига йўлланма берадиган бугунги ўйин эса, жамоалар учун ўзаро тўртинчи ўйин ҳисобланади.
Ўзбекистоннинг тўрт клуби орасида плей-офф босқичига чиқа олган ягона клуб ҳисобланган "Локомотив" Осиё Чемпионлар Лигаси ушбу мавсумида ҳали бирор марта мағлубиятга учрамаган. Жамоа гуруҳ босқичида иккита ўйинда ғалаба қозонган ҳамда тўрт учрашувда дуранг ўйнаган.
Аввалроқ хабар берилганидек, бугунги учрашувни Бенжамин Уильямс бошчилигидаги австралиялик ҳакамлар бригадаси бошқариб боради. Бенжаним Уильямс учун ушбу баҳс ушбу мавсумда "Локомотив" иштирокидаги иккинчи ўйин ҳисобланади. Австралиялик рефери бунгача ушбу мавсум гуруҳ босқичида Тошкентда "Локомотив" ҳамда "Ал Иттиҳод" клублари ўртасидаги учрашувни бошқариб борган. Ушбу ўйинда 1:1 ҳисоби қайд этилган.
"Ал Ҳилол" клубига қарши жавоб учрашуви Тошкентдаги "Бунёдкор" стадионида соат 18:00да бошланади.
Ўзаро ўйинлар:
ОЧЛ-2015.
Ар Риёд. "Ал Ҳилол" – "Локомотив" 3:1
Тошкент. "Локомотив" – "Ал Ҳилол" 1:2
ОЧЛ-2016
Ар Риёд. "Ал Ҳилол" – "Локомотив" 0:0.
ОЧЛ-2016, нимчорак финал.
Жавоб учрашуви.
24 май. Тошкент, "Бунёдкор" стадиони.
"Локомотив" (Ўзбекистон) – "Ал Ҳилол" (Саудия Арабистони)
Бош ҳакам: Бенжамин Уильямс (Австралия).
Лайнсменлар: Мэтью Жэймс Крим (Австралия), Пол Адам Кетранжоло (Австралия).
Ёрдамчи ҳакам: Сивакорн Пу-Удом (Таиланд).
Назоратчи: Квонг Жонг Чун (Жанубий Корея).
Комиссар: Субраманиан Маникам (Малайзия).
Дастлабки ўйин: 0:0
