«Манчестер Сити» жамоаси ижрочи директори Ферран Сориано жамоанинг янги бош мураббийи Хосеп Гвардиола ва «Манчестер Юнайтед»нинг янги бош мураббийи Жозе Моуриньонинг ишлаш методларини солиштирди.

«Барселона»да 8 йил олдин ишлаган Сориано ҳозирги жамоасини Моуриньо эмас Гвардиола бошқаришининг афзаллик жиҳатлари ҳақида гапирган.

«Уларнинг иккиси ҳам катта салоҳиятга эга. Лекин улар антиподлар (бир-бирига қарама-қарши шахслар - таҳр). Бири – тажрибали, мураббий сифатида кўплаб ютуқлар қўлга киритган, кучли характерга эга шахс. Лекин у доимо можаролар марказида. Иккинчиси эса катта талантга эга, клуб билан яхши таниш, гарчи мураббий сифатида катта тажрибага эга бўлмасада, жуда салоҳиятли.

Мураббий — клуб юзи ҳисобланади, у ҳафтада камида бир марта чиқиш қилиши керак бўлади. У ўта эҳтиёткорлик билан ҳаракатланиши, нима дейишни билиши керак: рақибларни ҳурмат қилиш, ҳакамлар билан тўғри муаомила қилиш ва умуман фэйр-плейга риоя этиш. Мураббий матбуот вакилларини ҳақорат қилмаслиги, можаролардан тийилиш керак. Унга жамоанинг ичкарисидаги ва ташқарисидаги ишларни мувозанатда сақлаб туриш вазифаси юклатилади. Бу ҳолатда Моуриньонинг методлари ва ОАВ билан мунозаралари клуб ичкарисида ҳам муҳит бузилишига олиб келиши мумкин», — деган Сориано.