"Челси" катта трансфер амалга ошириши мумкин. Fichajes нашри саҳифаларидаги материалда лондонликлар "Барселона" ярим ҳимоячиси Фермин Лопесни нишонга олгани айтилган.

Лопес трансфери учун "Челси" жуда катта пул тўлашга тайёр - 150 миллион евро атрофида.

"Барселона"да Лопесни футболчи сифатида жуда қадрлашади, аммо бундай катта таклиф рад этиш қийин бўлган таклифга айланиши мумкин. Ферминни 150 миллионга сотиш каталонияликларга бир неча трансферларни амалга ошириш ва бюджетни мувозанатга келтириш имконини берган бўларди.

2025/2026 йилги мавсумда Фермин Лопес 20 та ўйинда майдонга тушиб, саккизта гол урди ва шерикларига саккизта голли узатмани амалга оширди.