Хитойнинг маиший техника билан шуғулланувчи Suning компанияси “Интер” клубининг 70 фоиз акциясини сотиб олади. Бу ҳақда "Жэньминь Жибао" нашри хабар бермоқда.
Нашрнинг айтишича, гап 30 фоиз акция Массимо Мораттидан, 40 фоиз акция Эрик Тоҳирдан сотиб олиниши ҳақида кетмоқда. Келишув 5 июн кунига мўлжалланган.
Турли манбаларнинг айтишига қараганда, клубнинг нархи 600 миллиондан 700 миллионгача белгиланмоқда. Италия ОАВ бироз аввалроқ Тоҳир клубнинг ўз ихтиёридаги барча акцияларини сотиб юборишни режалаштираётгани ҳақида хабар беришганди. Агар шундай бўладиган бўлса, у ҳолда Хитой компанияси “Интер”нинг ягона эгасига айланади.