"Милан" клубини сотиш бўйича хитойлик тадбиркорлар билан музокара ўтказаётган Сильвио Берлускони уларни шаънига қўпол ҳазил қилиб қўйди.
"Мен хитойлик коммунистлар ўз болаларини тановвул қилган деб эшитганман. Бу ҳақиқат! Уларда даҳшатли очарчилик юз берганида, биринчи навбатда гўдаклар ўлиб кетишган. Шунда, бошқаларни ҳаётини сақлаб қолиш учун ўликларни аъзоларини пишириб ейишга қарор қилишган. Хўш, айтингчи, бундай одамларга "Милан"ни ишониб топшириш мумкинми? Дунё қаёққа қараб кетяпти?!" - деди Берлускони Football Italia хабарига кўра.
