Маиший техника савдоси билан шуғулланувчи Хитойнинг йирик Suning компанияси Миланнинг “Интер” клубини сотиб олишга яқин. Бу ҳақда Хитой футбол ассоциацияси раҳбари Цай Чжэнҳуа гапириб ўтди.
“6 июнь куни Suning ва “Интер” клуби ўртасида ҳамкорлик алоқалари ўрнатилгани тўғрисида матбуот анжумани ўтказилади. Бу жуда муҳим воқеа, чунки Suning Хитой билан Италиянинг энг машҳур клуби орасида кўприк барпо қилмоқда” – деди Цай “Синьҳуа” агентлиги хабарига кўра.
Маълумотларга қараганда, Suning компанияси клубнинг 68,5% акциясини сотиб олади. “Интер”нинг умумий нархи эса 600 - 700 млн. евро атрофида баҳоланмоқда.