АҚШ майдонларида ўтаётган Копа Америка-2016 мусобақасидан ўрин олган Мексика – Уругвай ўйинидан олдин, ташкилотчилар янглишиб, Уругвай мадҳияси ўрнига Чили мадҳиясини ижро этиб қўйишди.
Бу ҳақда Caitlin Murray @caitlinmurr исмли твиттер фойдаланувчиси жойлаштирган фотосуратда атрофга хайрон бўлиб термулаётган ва ноқулай аҳволда қолган уругвайлик футболчиларни кўриш мумкин.
Ташкилотчилар бу можаро юзасидан узр сўраб: “Бугун ўйиндан олдинги маросимда ходимимизнинг хатоси туфайли бошқа мадҳия янгради. Биз Уругвай мамлакати, футбол федерацияси, халқи ва мухлисларидан бу хато учун узр сўраймиз. Бундан буён бундай хато такрорланмаслиги учун жиддий меҳнат қиламиз” – дейишди.
Ўйинда Мексика терма жамоаси 3:1 ҳисобида ғалаба қозонди.
