Африка Миллатлари Кубоги (АМК) саралаш мусобақасида Кения терма жамоаси Конго футболчиларини 2:1 ҳисобида мағлуб этди. Натижада Е гуруҳида иштирок этаётган Гвинея-Бисау терма жамоаси ўз тарихида илк маротаба АМК-2017 финал босқичига йўлланма олди. 

Бундан ташқари Малави термасини 3:0 ҳисобида тор-мор этган Зимбабве ва Маврикийни 2:0 ҳисобида мағлуб этган Гана терма жамоаси ҳам қитъанинг нуфузли мусобақасида иштирок этадиган бўлишди. 

Эслатиб ўтамиз, АМК-2017 мусобақаси Габон мамлакатида бўлиб ўтади. Юқорида номи тилга олинган термалардан ташқари Сенегал, Миср, Жазоир, Марокаш ва Камерун футболчилари ҳам бу мусобақада иштирок этиш ҳуқуқини қўлга киритишган эди.