Англия Премьер-лигаси расмий сайтида, шартномаси тугаб, эркин агентга айланган футболчилар рўйхати эълон қилинди.
Хабарга кўра, аргентиналик ҳимоячи Мартин Демикелис «Манчестер Сити» клубини тарк этди. Лондоннинг “Арсенал” клуби Томаш Росицки, Микел Артета ва Матьё Фламини билан хайрлашди.
Италиялик дарвозабон Марко Амелия “Челси”дан, Питер Одемвинги «Сток Сити»дан кетди. Коло Туре ва Хосе Энрике «Ливерпуль»ни тарк этишди. Испаниялик дарвозабон Виктор Вальдес «Манчестер Юнайтед» билан хайрлашди. «Кристал Пэлас» клуби Эммануэль Адебайор, Маруан Шамах ва Бреде Хангеланн билан ҳамкорликни тўхтатди. «Эвертон» клубидан Тони Хибберт, Стивен Пинар ва Леон Осман, «Сандерленд» клубидан Стивен Флетчер ва Уэс Браун кетишди.
