Бразилиялик афсонавий футболчи Пеле Аргентина ҳужумчиси Мессини терма жамоадаги фаолиятини якунлаши тўғрисидаги қарори ҳақида ўз фикрини билдирди.
«Умид қиламанки, Месси терма жамоадаги фаолиятини якунлаши ҳақидаги қарорини ўзгартиради. Мағлубият ва муваффақиятсизликка учраганда тушкунликка тушиш ҳаммада ҳам бўлади. Лекин буни унутиб, олдинга интилавериш керак. Яхши футболчилар шундай қилиши лозим. Месси сўнгги 10 йилликнинг энг яхши футболчиси, бунга шубҳам йўқ», — деди Пеле Marca хабарига кўра.