«Манчестер Юнайтед» дарвозабони Давид Де Хеа жамоа янги бош мураббий Жозе Моуринью қўл остида барча мусобақаларда ғолиблик учун курашишини маълум қилди. 

«Биз ҳақиқатан ҳам кучли футболчилар билан шартнома имзоладик. Биз «Манчестер Юнайтед»миз ва барча совринлар учун курашишни хоҳлаймиз. Менимча, янги давр бошланяпти — клуб жуда ҳам кучли», — деди Де Хеа. 

«Моуринью кучли характерга эга, у ғолиб. У жаҳондаги энг яхши мураббийлардан бири. У билан бирга биз ўзимизни хотиржам ҳис қиламиз», — деди испаниялик дарвозабон. 

«Ибрагимович юқори даражадаги ҳужумчи эканини сиз биласиз. У киллер ва, умид қиламанки, у Манчестерда ўзининг энг яхши ўйинини кўрсатади», — дея қўшимча қилди «Манчестер Юнайтед» дарвозабони.