Мадриднинг «Реал» клуби бош мураббийи Альваро Арбелоа 15 апрель куни Мюнхенда бўлиб ўтадиган «Бавария»га қарши жавоб баҳси учун асосий таркибдаги иккита муҳим ўзгаришни танлади. Эслатиб ўтамиз, дастлабки чорак финалда мадридликлар 1:2 ҳисобида имкониятни бой беришган эди.

Мутахассис биринчи навбатда сариқ карточкалари кўпайиб кетгани сабабли Мюнхендаги ўйинни ўтказиб юборадиган Орельен Тчуамени ўрнига муносиб номзод топиши керак. «Defensa Central» нашрининг хабарига кўра, энг асосий вариант сифатида Жуд Беллингемнинг майдонга тушиши кутилмоқда. Инглиз футболчиси биринчи ўйинда иккинчи бўлим ўрталарида захирадан қўшилиб, мураббийларда ижобий таассурот қолдирган.

Бундан ташқари, Мюнхенда ҳимоя чизиғида ҳам ўзгариш бўлиши кутилмоқда: Эдер Милитао ёш Дин Хейсеннинг ўрнини эгаллаши мумкин. Бразилиялик ҳимоячи биринчи баҳсда айнан Хейсеннинг ўрнига захирадан майдонга тушиб, рақиб босимига анча яхшироқ қаршилик кўрсата олишини исботлаган.