Айни дамда Хитойда бўлиб турган "Манчестер Юнайтед" жамоаси Халқаро чемпионлар кубоги доирасидаги ўйинларини давом эттиради. Бугун мавсумнинг илк Манчестер дербиси ҳамда Моуриньо - Гвардиоланинг АПЛ бўйича дастлабки тўқнашувига гувоҳ бўламиз.
— Биз хотиржам ўйин намойиш этамиз, чунки уйга бориб, яна машғулот ўтказишимиз керак, — дейди Моуриньо Пекиндаги "Olympic Sports Centre" стадионида берган интервьюси чоғида. — "Манчестер Сити"нинг барча футболчилари шу ерда, лекин бизда камчилик бор. Олдинда "Галатасарой", "Эвертон" ва "Лестер"га қарши ўйинлар кутиб турибди. Бугунги ўйиндан мақсадимиз — жароҳатларсиз уйга қайтиш.
"Манчестер Сити" ва "Манчестер Юнайтед" учрашуви Пекиндаги муҳташам "Қуш уяси" стадионида бўлиб ўтади. Ўйин Тошкент вақти билан 16:30да бошланади.
