Мавсумга тайёргарлик доирасида Скандинавия давлатлари бўйлаб турне ўтказаётган "Арсенал" клуби кеча Норвегиянинг "Викинг" жамоасига қарши ўртоқлик ўйинини ўтказди. Бу баҳсда Арсен Венгер шогирдлари 8:0 ҳисобида ғалаба қозонишди.

"Канонирлар" дастлабки бўлимда рақиб дарвозасини бир марта ишғол қилди ва бу голга Хоэл Кэмпбелл муаллифлик қилди. Иккинчи бўлим бошида 9 дақиқа ичида "Арсенал" 4та гол уришга муваффақ бўлди. Ўйин охиригача лондонликлар рақиб дарвозасига яна 3 тўп киритишди. Кэмпбелл ва Айуоби дублни расмийлаштиришди.

Ўртоқлик ўйини
Викинг (Ставангер, Норвегия) – Арсенал Л (Лондон, Англия) – 0:8
Голлар: Кэмпбелл, 33 (0:1); Касорла, 50 (0:2); Уолкотт, 53 (0:3); Хёукос, 55 (0:4, автогол); Кэмпбелл, 59 (0:5); Айуоби, 71 (0:6); Айуоби, 81 (0:7); Акпом, 89 (0:8).
Ноаниқ пенальти: Касорла, 4.