Аргентина терма жамоаси бош мураббийи Эдгардо Бауса Лионель Мессини терма жамоага қайтиши тўғрисида ўз фикрини билдирди. Яқинда у Месси ва Маскерано билан Барселонада учрашган эди.
«Месси билан учрашиш ниятида Испанияга келдим. Уни қайтишга кўндирмоқчи эмасдим. Суҳбат давомида ўз ғояларимни баён қилдим. Натижада унда қайтиш иштиёқи пайдо бўлди, эртасига менга қўнғироқ қилиб, ўз қарорини маълум қилди.
Месси ва Маскерано Аргентина терма жамоасидан юз ўгирмаган, суҳбат давомида бу маълум бўлди» - деди Бауса Deportivo Télam хабарида.
