Ўзбекистон ва Сурия терма жамоалари ўртасидаги ЖЧ—2018 3-саралаш босқичидан жой олган ўйинга «Бунёдкор» стадиони мезбонлик қилади.

Бу ҳақда ЎФФ терма жамоалар маркази директори Асқар Толибжонов «Championat.asia» сайти мухбирига маълум қилган.

Бир неча кун муқаддам миллий терма жамоа мураббийлари «Бунёдкор» стадионида бўлиб, Буркина-Фасога қарши 24 август куни бўлиб ўтадиган ўртоқлик ўйинини «Пахтакор» стадионида ўтказиш қарорига келганди.

Буркина-Фасога қарши «Пахтакор» стадионидаги ўйин ҳам, Сурия термасига қарши «Бунёдкор» стадионидаги беллашув ҳам 20:00 да бошланади.