Бугун Лондондаги "Эмирейтс" стадионида "Арсенал" ва "Милан" клубларининг яқин ўтмишдаги таниқли футболчилари ўртасида ўртоқлик учрашуви ўтказилди. Унда Арсен Венгер бошчилигидаги "канонирлар" Фабио Капелло бошқарувидаги "россонери"ни 4:2 ҳисобида мағлуб этди.

Ўйиннинг 27-дақиқасида Нванкво Кану "Арсенал" олдинга олиб чиқди. Орадан 10 дақиқа ўтиб "Милан" Кристиан Вьерининг аниқ зарбаси эвазига ҳисобни тенглаштирди.

Баҳс тугашига 20 дақиқа қолганида Кану жамоасининг иккинчи голига муаллифлик қилган бўлса, орадан 10 дақиқа ўтиб у пенальтидан самарали фойдаланиб, "хет-трик"ни расмийлаштирди. Учрашувнинг 85-дақиқасида Робер Пирес ҳисобни йирик кўринишга келтирди. Сўнгги дақиқада Вьери иккинчи голни урди ва ҳисобни қисқартирди.

Ўртоқлик учрашуви
"Арсенал" юлдузлари - "Милан" юлдузлари - 4:2
Голлар: Нванкво Кану (27, 70, 80), Робер Пирес (85) — Кристиан Вьери (37, 90)