Аргентина терма жамоаси ҳужумчиси Лионель Месси яна бир бор миллий нашрларнинг танқидига учради, деб хабар бермоқда AS.
Гап шундаки, Месси ЖЧ-2018 саралашидан ўрин олган Венесуэлага (2:2) қарши ўйинда майдонга тушмади, Аргентина эса ғалаба қозона олмади. Бош мураббий Бауса уни жароҳати борлигини айтди, бироқ футболчи «Барселона»га қайтиб бориб, «Алавес»га қарши ўйинда майдонга тушиш учун машғулот олиб бораётгани маълум бўлди.
Бу воқеа Аргентина нашрларида Месси шаънига танқидларни ёғдирди. Аргентиналиклар агар Месси «Алавес»га қарши ўйинда майдонга тушса, буни шармандалик ва ўз ватани жамоасидан «Барселона» манфаатини устун қўйиш деб ҳисобламоқда.
