Осиё чемпионати U16 доирасидан ўрин олган Ўзбекистон – Таиланд (5:3) ўйинидан сўнг бош мураббий Тимур Алимходжаев ўз фикрларини баён қилди.
«Бугун жуда оғир ўйин бўлди. Тезкор гол ўтказиб юбордик, натижада режамиз ўзгариб кетди.
Футболчиларимиз мусобақага энди кўникяпти, шунинг учун ҳам жуда кўп асабийлашишди. Рақиб ҳам жиддий қаршилик кўрсатди. Голларни ҳимоядаги хатолар туфайли ўтказиб юбордик.
Иккинчи бўлимда бироз яхшироқ ўйнадик. Аммо ўйин сурати юқори бўлмади. Натижада ўзимиз хоҳлаган ўйинни намойиш этолмадик. Техник ва тактик режаларимиз амалга ошмай қолди» - деди Алимходжаев.