Футзал бўйича жаҳон чемпионатида ярим финалга чиққан дастлабки жамоаларнинг номи аниқ бўлди.

Кўпчилик учун кутилмаганда Россия терма жамоаси Европа чемпиони ҳисобланган Испанияни йирик ҳисобда мағлуб этишга муваффақ бўлди. Ўйиннинг 3-дақиқасида россияликлар ҳисобни очган бўлса, испанлар дарҳол ҳисобни тенглаштиришди ва орадан кўп ўтмасдан олдинга чиқиб олишди. Биринчи бўлимнинг сўнгги 5 дақиқасида руслар иккита гол уриб, танаффусга ҳисобдаги устунлик билан йўл олишди.

Иккинчи бўлимда Россия терма жамоаси яна 3 марта Испания дарвозасига йўл топди ва ҳисобни 6:2 кўринишига олиб келди.

Россия ярим финалда Эронга қарши баҳс олиб боради.

Футзал бўйича жаҳон чемпионати, чорак финал
РОССИЯ - ИСПАНИЯ - 6:2
Голлар: Чишкала (2'20", 14'52"), Эдер Лима (18'41", 30'10"), Фернандао (26'59" автогол), Густаво (38'21") — Ривильос (2'33"), Мигелин (5'42")