Миллий терма жамоамизнинг Жаҳон чемпионати саралаш турниридаги ўйинлари сабабли, олий лигада қисқа муддатли танаффус юзага келганидан хабарингиз бор. Шу сабабли жамоамиз футболчиларига 5 октябрь кунига қадар дам берилганди.
Жамоа кеча тушда Чирчиқ шаҳрида тўпланди. Футболчилар “Зером” меҳмонхонасида яшаб, машғулотларда иштирок этишади. Сербиялик футболчи Никола Валентич ушбу танаффусдан фойдаланиб ўз юртига бориб келишга рухсат сўраган ва Чирчиқдаги йиғинга кечроқ қўшилади. Дарко Гожкович эса жамоа билан бирга.
Тайёргарлик жараёнида олий лига клублари билан назорат-синов ўйинлари ўтказиш ҳам режага киритилган. Биз бу ҳақида қўшимча маьлумот етказамиз.
Жамоамиз навбатдаги турни 14 октябрь куни Тошкент шаҳрида “Локомотивга” қарши ўтказади.
