ЕЧЛ гуруҳ босқичининг 3-турида "Манчестер Сити"га қарши учрашувда "Барселона"нинг икки футболчиси жароҳат олди. Учрашув "Камп Ноу"да бўлиб ўтди ва майдон эгаларининг 4:0 ҳисобидаги ғалабаси билан тугади.
Биринчи бўлимда "кўк-анорранглилар" устози Луис Энрике икки ҳимоячисини алмаштиришга мажбур бўлди. 10-дақиқада Хорди Альба, 39-дақиқда эса - Херард Пике майдонни тарк этдилар.
Клуб расмий твиттери хабарига кўра, Альбанинг тизза ости пайлари лат еган, Пикеда са тўпиқ суяги чиқиши содир бўлган. Футболчиларнинг тикланиш муддатлари хабар қилинмаган.
