Афғонистонда футбол чемпионати бор эканига ишонасизми? Бор экан. Бўлгандаям худди Англиядаги каби АПЛ деб номланади. Лига 2012 йилда хорижий инвесторлар ёрдамида ташкил қилинган. Унда қатнашадиган футболчиларни топиш эса унчалик қийин бўлгани йўқ. «Яшил майдон» деган махсус кўрсатув тайёрлаб, футболчилар топилди. Чемпионатда саккизта жамоа қатнашади.
Ўйинлар Қобулдаги иккита сунъий қопламали стадионларда ўтади. Стадионлар деярли доим тўла бўлади ва уларга кириш нархи 50 цент қилиб белгиланган.
Мураббийларга федерация томонидан маош тўланади. Саккиз жамоанинг еттитасида тожикистонлик мураббийлар ишлашади. Улар ойига 1000 АҚШ доллари олишади. Мамлакатнинг амалдаги чемпиони «Де Спингар Базан» жамоаси ҳисобланади. Футбол ҳаттоки уруш ўчоқларида ҳам ўйналмоқда. Ахир у тинчлик элчисику.
