«Мальмё» клуби сўнгги тўрт йил ичида учинчи марта Швеция чемпионлигини қўлга киритди.
Жамоа «Фалкенберг» устидан ғалаба қозонди (3:0). Ушбу турда «Мальмё»нинг таъқибчиси — «Норрчёпинг» «Эльфсборг»га ютқазиб қўйди. Шу боис, мавсум тугашига 2та тур қолганида мальмёликлар чемпионликни расмийлаштирди.
Мазкур соврин «Мальмё» учун клуб тарихидаги 22-чемпионлик бўлди. Бу Швеция чемпионатидаги мутлақ рекорд ҳисобланади. «Гётеборг» ҳисобида 18та чемпионлик соврини бор.