Осиё футбол конфедерациясига аъзо мамлакатлар федерацияларининг янги рейтинги маълум қилинди.

Унга кўра Ўзбекистон футбол федерацияси 9-поғонани банд этиб турибди. Клублар ҳамда миллий терма жамоа ўйинлари ҳисобга олинадиган ушбу рейтингда Ўзбекистон 58.51 очко тўплаган. Шундан клублар ҳисобига 36.39 очко тўғри келса, терма жамоа 22.12 очко жамғарган. Мамлакатимиз Ғарб мамлакатлари орасида 5-поғонани эгаллаган. Демак, 2017 ва 2018 йилларда Осиё чемпионлар лигаси учун Ўзбекистонга "1+2" кўринишида квота ажратилиши деярли аниқ. Якуний қарор 27 ноябрь куни эълон қилинадиган рейтинг асосида эълон қилинади. 4-ўринни эгаллаб турган Қатар билан фарқимиз катта ва биз уларга етиб ололмаймиз.

Бу рейтингда Жанубий Корея футбол ассоциацияси етакчилик қилмоқда. Унинг ҳисобида 92.94 очко бор.

Рейтингнинг топ-10 рўйхати (минтақалар бўйича) қуйидагича кўриниш олган.

Ғарб
1. БАА – 86.37
2. Саудия Арабистони – 84.68
3. Эрон – 79.62
4. Қатар – 77.48
5. Ўзбекистон – 58.51

Шарқ:
1. Жанубий Корея – 92.94
2. Япония – 73.85
3. Австралия – 73.13
4. Хитой – 72.64
5. Ироқ – 37.87