Жанубий Америка футбол конфедерацияси (КОНМЕБОЛ) Бразилиянинг «Шапекоэнсе» клубини Копа Судамерикана – 2016 ғолиби деб эълон қилди.
Бундан ташқари, «Шапекоэнсе» келаси мавсумда Копа Судамерикана ғолиби сифатида Либертадорес кубогида ҳам иштирок этиши маълум қилинди.
Эслатиб ўтамиз, Бразилиянинг «Шапекоэнсе» клуби Копа Судамерикана мусобақаси финалида «Атлетико Насьонал» клуби билан беллашиши лозим эди. Аммо жамоанинг самолёти бу ўйинга учиб кетаётганида ҳалокат учради ва унинг деярли барча аъзолари нобуд бўлди. Шундан сўнг, «Атлетико Насьонал» клуби «Шапекоэнсе»ни Копа Судамерикана ғолиби деб эълон қилишни таклиф қилганди.
